رواية " عشقته رغم البعد " بقلم إسراء إبراهيم
المحتويات
رواية عشقته رغم البعد بقلم إسراء إبراهيم
قومي اعملي لعمك كوباية شاي يلا امشي انجري
قالتها منال بحدة لياسمين بنت سلفتها اللي مبتكرهش في حياتها قدها حتي بعد ما ماټت وتقريبا وافقت علي انها تربي ياسمين عشان تطلع حقدها عليها كانت متابعة ياسمين وهي بتقوم من الارض مكانها اللي بقت مجبورة عليه وابتسمت منال پشماتة وهي شايفه نظرات الحزن والقهرة علي وشها وانتبهت لعزت جوزها اللي اتكلم بتردد وهو باصص ليها بعتاب
بصتله منال پغضب وردت بثقة وهي بتحط رجل علي رجل
والله هي دي معاملتي وبعدين انت عارف اني مبطقش امها ومع ذلك وافقتك انك تجيبهالي اربيها مع محمد ولارين فمتحلمش اني اعاملها اكتر من خدامة ليا ولعيالي
ابتسم عزت ومنال وسلمو عليها ما عدا ياسمين اللي كانت بتبص للارين بقلق وتوتر ولارين غمزتلها بعنيها وسبقتها علي اوضتها بعد ما قاالت ليهم انها هترتاح شوية وبعدها قامت ياسمين وانسحبت بهدوء ودخلت اوضة لارين اللي اول ما شافتها قالتها بفرحة
مبروووك يا ياسمين انتي طلعتي الاولي علي دفعتك يا حضرة الباش مهندسة
انا نجحت اخيرا اتخرجت مش مصدقة اني حققت حلمي مش مصدقة اني بقيت مهندسة يا لارين
لارين مسحت دموع الفرحة وردت بحب وهي بطبطب علي ياسمين
لا صدقي انتي تعبتي وهو ده نتيجة تعبك انتي كنتي بتشتغلي طول الليل عشان تعرفي تجيبي تمن الكتب والمراجع كنتي بالنهار بتتعبي في البيت بسبب ماما وبليل تسعي عشان حلمك وهي دي النتيجة اللي تستاهليها مبروك يا حبيبتي
كل ده مكنتش هوصله من غيرك يا لارين انتي اختي اللي اتمنتها وصاحبة عمري ولولا انتي كنتي بتشتريلي الملازم والمراجع وبتتصرفي عشان تخرجيني واعرف اروح الجامعة مكنتش ابدا هوصل لكل اللي وصلتله ده ربنا يخليكي ليا
لارين ابتسمت وردت بضحك وهي بتمسك ايد ياسمين
سيبك بقي من كل ده قوليلي ناوية تعملي ايه بعد ما خلاص خلصتي وهتقولي لماما وبابا ولا لاء
لا يا لارين اوعي تجيبي سيرة انتي عارفة مرات عمي صعبة ازاي ومش هتعدي حاجة زي دي بالساهل كدة سيبيها بظروفها واكيد مسيرهم هيعرفو انا بس كل اللي شاغلني دلوقتي حاجة واحدة بس وهي رأيك في زين ابن خالك اللي متقدملك انا شايفة انه مناسب وانتي باين عليكي ميالة ليه ليه بقي متوافقيش
اتبدلت ملامح لارين للحزن وراحت قعدت علي سريرها وهي بتقول بحزن
انتي مش عارفة قد ايه انا مړعوپة يا ياسمين خاېفة اوي احسن مرات خالي تطلع نسخة من امي وتعاملني زي ما ماما بتعاملك صدقيني مش هستحمل امي اوي وانا خاېفة احسن وخصوصا اني مش بقدر اقف قدامها لانك
عارفة بتبقي عاملة ازاي
حضنت ياسمين وش لارين بايديها
متابعة القراءة
