تجربه طلاقي_ كامله _ بقلم هويدا زغلول
صلاح:مراتك دي لازم تتربي بجد أهلها مدلعنها اوي
احمد:والله انا بحبها بس بجد هي مش راضيه تفوق
ورن تلفون احمد
احمد:الو ايوه مين
اميره:انا اميره صاحبه بسنت
احمد:خير في حاجه
اميره:انا عرفت بمشكلتك معاه بسنت بصراحه انا مش عارفه كنت مستحمل تعيش معاها كده ازاي
احمد:خير يا اميره
اميره: أنا مش عارفه ازاي بسنت تسيب واحد زيك
احمد:طيب عقليها بقي ترجع بيتها
اميره:معقول لسه بتحبها بعد اللي بتعمله
احمد:انتي عايزه اي يا اميره
اميره:طلقها وشوف حالك انا صحبتها اه بس برضه مش برضي بالغلط
احمد:تمام لو بتحبيها كلميها وقولي ليها اني بحبها علي وضعها بحب كل حاجه فيها والله ومقدرش اقعد يوم واحد من غيرها
اميره:ماشي يا احمد سلام
احمد:سلام
صلاح:دي صحبتها
احمد:ايوه صحبتها
صلاح:طيب خد بالك يا صاحبي لتبقي لعبه عليك
احمد:انت بتقول اي
صلاح:يا صاحبي مراتك ناويه تاخد حقها منك وممكن تكون دي لعبه
احمد:بسنت ملهاش في الكلام ده
صلاح:كانت ملهاش في الكلام ده انما دلوقتي هي اتغيرت
احمد:هي كانت كويسه والله بس الله يسامحها امها واصحابها
صلاح:هي مش ليها اخت
احمد:اه شرين
صلاح:طيب روح واتكلم معاها
احمد:عندك حق انا هكلم جوزها واروح ليهم
وفعلا كلم ماجد
ماجد:ياااه عاش من سمع صوتك
احمد:ماجد انا كنت محتاج اتكلم معاكم شويه
ماجد:حبيبي تعالي احنا في البيت تنور في اي وقت
احمد:ينفع اجي دلوقتي
ماجد:اه طبعا يلا احنا مستنينك
احمد:ماشي مع السلامه
صلاح:ها هتروح يابني اهدي بكره بعدو مش عالطول كده
احمد:صلاح انا مش ناقص بالله عليك سلام
صلاح:سلام
وفي النادي
بسنت:مالها البت دي
سندس:مالك يا اميره
اميره:مافيش حاجه عاملين اي
سندس:بخير بس شكلك متغير
اميره:هو انتي ممكن ترجعي لاحمد تاني يا بسنت
بسنت:انتي عبيطه لا طبعا عمرو ما يحصل ده خاني
