انا ارمله عندي ٣٠ سنة

انا ارمله عندي ٣٠ سنة 

السلام عليكم ورحمة الله وبركاته لو سمحت بدون اسم ولا صورة

انا ارمله عندي ٣٠ سنة اتجوزت و انا عندي ١٨ سنة و جوزي ماټ في حاډثة في السعودية من ٥ سنين و عندي طفلين ٨ و ١١ سنة

اتقدم ليا راجل ارمل عن طريق صديق بابا عنده ٥٧ سنة و عنده بنتين وولد البنتين متجوزين و مسافرين و الولد عنده ٣٠ سنة و مش متجوز علشان بيحضر ماجستير في كلية طب

ساعة متقدملي كان لوحدة انسان محترم و متقبل اولادي بدون شرط او كلام ووافقت علشان مفيش شاب هيتقبل ارملة باولادها

اهو ظل راجل و لا ظل حيطة

تاني مقابلة حضر هو و ابنه و الوسيط علشان نقرا الفاتحة

انا لحظة مشوفت ابنه و هو من سني و انا انحصرت علي عمري الي راح من جماله و شبابة و ووسامته و انا من ساعتها في حالة عياط و كان نفسي في شاب اكمل معاه عمري و خصوصا اني معشتش مع جوزي بسبب سفرة و مكنش فيه تفاهم ما بينا لانه كان اكبر مني ب١٠ سنين

انا وقتها مش عارفة ابطل تفكير فيه و خصوصا ان ولادي شافوا منه حنيه كاخ كبير و جبلهم هدايا في مقابلات تانية

و بقيت بتصل بيه هو و اتكلم معاه خصوصا أنه نفس مجالي و والده بتكلم معاه

انا مش عارفة ابطل تفكير فيه و نفسي اعامله كاخ لانه بيعاملني كاخته و محترم جدا

انا تعبت و نفسي مغلطش غلطة اضيع الراجل الي اعتبر ولادي اليتامي ولادة و ابعد عن تفكير فيه و خصوصا أنه عايش في نفس الشقة الي هتجوز فيها

محتاجة بجد مساعدتكم