مراتي اتخلت عني
مراتي اتخلت عني
السلام عليكم ورحمة الله وبركاته
انا متجوز من 9 سنين مراتي كويسه جدا بنت ناس الخ حياتنا كانت ممتازه كنا اقرب للزواج المثالي والمشاكل الي بنا صغيره و معانا عيلين لغايه من فتره 10 شهور حصلي مشكله جامده في شغلي و اتزنقت في مبلغ كبير شويه و لو مكنتش وفرته كان مشروعي شقا 13 سنه كان هيدمر حرفيا و كنت خارج من جهاز 2 بنات اخواتي اتجوزوا ورا بعض بفتره صغيره وحصلت الزنقه بعدها انا مبعرفش استلف من حد غريب و كنت بدي زوجتي مصروف شهري هما ميسورين و معاها اكتر من ضعفين المبلغ ده في البنك هيا الي كانت قالتلي من انا عمري لا سألت بس احنا صرحه مع بعض دايما الحمدلله فا طلبت منها المبلغ و قلتلها همضيلك شيكات او وصلات امانه و قلتلها استأذني والدك لان دي فلوسه في الاساس مش كانت بتحوشهم من المصروف المهم طلبي اترفض قلتها عادي من حكم في ماله ما ظلم فاضريت الجأ لقرض وانا مكنتش عاوزه عشان الفوايد و لا سألتها علي دهب ولا حاجه بس انا بعدها قفلت منها والعلاقه بقت فاتره جدا جدا لغايه من 4 شهور لقيت والدها جايلي يديني مبلغ فلوس بيقولي والله ما كنت اعرف وانا لسا عارف لما حماتك حاسه انكو مش زي الاول قلتله اتسرت قالي سامحها ده صاحيتها المطلقه دي لعبت في دماغها واحنا بنحبك و انت عارف و دي حقيقه امها و ابوها ناس محترمه بس بعدها اضايقت اكتر انها كذبت عليا بسبب صاحبتها بنت ... مبقتش عارف اقعد في البيت كان حد رشق فيا سيف من ناحيتها لغايه من كام يوم بتقولي تعالي نعشي العيال بره وانا عازماك قلتلها مش عاوز عزومات روحي مع صاحبتك انا مش رايح معاكي بعد ما اديتي ودنك لصاحبتك وخرجتي سر البيت وشويه كلام تقيل ولمحت بالطلاق لقيتها اڼهارت و بټعيط و تعتذر و مش عارفه عملت كده ليه ومتسبنيش وابوها و امها كلموني و معلش غلطه و الكلام ده الحمدلله عمري لا زعلتهم ولا زعلوني و الي كان بيجيلي حاجه بجنيه كنت بجيبله ب 2 جنيه بس انا مش عارف اسامح بفضل الله انا بصرف علي ابويا المړيض و امي معاهم معاش بس عالقد 4 اخواتي 2 جهزتهم و اتنين في التعليم
