سكريبت " أدهم " بقلم " أميرة الكومي "
"قعدت مستنيه الساعه تيجي ٨ عايزة اعرف ياتري شكي في محله وهو نفسه الطفل ولا ايه"
= شكلك فكرتي كتير، ومستنايني بقالك مدة
_ نفسي اعرف يا اخي بتطلعلي منين !
انت نفس الطفل ؟
= احم احم، تعرفي بقالي قد ايه بحاول اوصلك !
ايوه انا
_ تعالي بس يا أدهم علشان حاجات كتيرة عايزة اسألك عليها، بس الاول كدا اتعشيت ولا لسه
= خايف اجازف واقولك لا وتحطيلي حاجه في الاكل
_ مطلعتش أنا الوحيدة الدراما كوين هنا
"عملت عشا خفيف واكلنا مع بعض "
_ مين اللي ضربك بالشكل دا. الضرب جديد يعني
" ساب المعلقة من أيده والدموع ملت عينيه "
_ لو مش حابب ترد عادي
= لا دا غرامة اني بجيلك بس مش اكتر وبتأخر عن الدار
الحكاية بدأت لما كنت بدور عليكي من سنة، لما عرفت اني مش يتيم وأنكم لقتوني في حادثة وكل دا بالصدفة لما سمعت جد كان جاي علشان التبني ولما عرف الحكاية رفض لان احتمال يكون ليا أهل في الأساس وبعد ما سمعت الحوار اللي دار بين المديرة وبينهم
حاولت اتواصل مع مديرة الدار مردتش لحد ما عملت عجيبة من عجائب الدنيا وبقت ثمانيه علي ايديا وقالتلي في النهاية وعلي فكرا بالرغم من صغر سني دا بس ايه نينجا يعني واعجبك
