سكريبت " أدهم " بقلم " أميرة الكومي "
هههه
_ أنا مش مستوعبه اصلا انك في السن دا وبتفكر كدا ازاي أنا وانا في سنك يابني كنت بلعب بلي في الشارع واقصي تفكير بفكر فيه ياتري ماما عمالننا غدا ايه انهاردة
= الظروف بتحكم أن الواحد يكبر ويكون كبير بعقله قبل سنه
_ عندك حق، كمل يا بطل
= بس بقي يا ستي ومن بعدها لما جيتلك اول مرة ودورت علي العنوان دخلت لأن حضرتك نايمة علي نفسك وسايبة باب البيت مفتوح دايما وكمان لازم تقللي سرحانك لاني بخبط قبل ما ادخل بس انتي في عالم موازي مش معانا
فخبطت محدش حد والباب كان موارب فدخلت استناكي لحد ترجعي بعد ما اتأكد البيت بتاعك انتي فعلا من شهادات التكريم اللي في المكتب
ولما اقابلتك من الخضة اصلا لقيتني اتأخرت ومكنش هعرف اجيلك الا بعد يومين لما اقابلتك المرة التانية
_ وايه لازمه جو الرعب لما خدتي للبحر أنا قلت اني عايشة في رواية رعب بقي وانك روح طفل وحركات
= كنت لسه مخلص فيلم وتقمست دور البطل اوي
_ صبرني يا رب ! تمام يا أدهم أنا ايه المطلوب مني مفهمتش !
= ممكن تساعديني الاقي اهلي أو علي الاقل اعرف هويتي الحقيقة ايه وخصوصا اني عارف هنبدأ منين
_ اشجيني يا بني، أنا حاسه اني قاعده مع مخبر مش طفل لا
= قولتلك أنا طفل بس من جوا كبير
البداية يستي من عند ذكي لأن الموضوع مش سهل زي مانتي مفكره والقضية منتهتش هنا
_ قصدك ايه يعني وايه علاقة ذكي ؟
