سكريبت " حواديت ياسين وسدرة " بقلم ندى الحداد
- عيشة.
- عيونها.
- انا بحبك أوي أوي.
- وانا بحبك أوي أوي.
عشت فـ بيتها وأشتغلت مكان مابتشتغل.. فـ محل هدوم.
اتعرفنا على بعض وبقينا عارفين كل حاجه عن بعض، احنا الاتنين الشعور اللي جوانا متبادل، اتجرحنا واتوجعنا من أكتر حد حبناه.
- عائشة سامعه صوت الأغاني، جاي منين.
- قالت بتأفف:- في ولد سكن جديد فالشقة اللي جمبنا.
- أممم، جديد وجمبنا، لازم يتربى.
- نامي يابت وبلاش شغل أحلام، لأنه ولد واصل أوي وباين عليه حد كبير فـ البلد.
- اتكلمت بسخريه:- سايب كل ده وجاي يقرفنا.
- اتقلبت ناحيتي:- بس سيبك الولد باين عليه مز أوي.
- شديت ودنها بغل:- مش عيب في حاجه اسمها غض البصر.
- فركت مكان ودنها:- الحركه دي بتعصبني، وبعدين بدون قصد لمحته كده، عيل رياضي جدًا.
- والله!
خرجت ليه واتخانقت معاه، كان شخص مستفز وكلح، كنت بقول مش هلاقي حد مستفز زيي أبدًا، ولكن طلعت غلطانه لقيته هو شخص مستفز وكلح وسمج وبارد هه.
- يا صباح يا عليم يا رزقا يا كريم.
- ضرب بإيديه على بعض:- اصبحنا واصبح الملك لله، اصتباحه زينه.
نينيني، كلح ولسانه طويل ومشافش تربية، ليه مش جاي مؤدب زي اللي بنشوفهم فالروايات كده، قال وانا أحبه.. ايي أحبه، لا لا مستحيل، أنا سدرة أحب البني آدم المستفز الكلح ده أبو لسان طويل.
- رفع حاجبه:- بتبرطمي تقولي أي.
- كشرت فوشه:- وأنت مالك أنت، هو بؤي ولا بؤك.
- شكلك لسانك طويل وهتغلبيني معاكي.
- إنه مُضحك، هاهاها، أنا فكرتك اخدت الفكره دي عني من امبارح وقت ما هزأتك.
- ضيق عيونه بإبتسامة:- أممم مش أوي يعني، بس دلوقتي عرفت إن لسانك أطول منك.
ده بيبتسم زينا عادي، اُمال أي الخلقة اللي كان عليها امبارح، استغفر الله العظيم.
- اتكلمت بقوة:- قصدك انا قصيرة.
- شاور بصباعة على نفسه ببراءة:- انا، ماقولتش كده أبدًا.
- اُمال تقصد أي.
- مشي ووقف عند أول السلم:- ما أقصدش حاجه أبدًا قولتلك.
ياربي على التناحه، يا خرابي على الاستفزاز.. انا هستفزه بردُو.
- يا أستاذ يا أسمك أي.
- قال وهو نازل على السلم ببرود:- الاحترام حلو بردُو، اسمي زين ياطفلة.
- قومت وانا بفرك فـ ايدي بعصبيه:- أنا..أنا يقولي الاحترام حلو بمعني كده إني مش محترمه، ويقولي يا طفلة، أنا طفلة يا عائشة.
- خلاص يا سدرة موضوع وراح لحاله، ده ولد واحنا مش قده فَـ سيبك منه، بلاش نجادل معاه، نبقي نقدم شكوى لصاحب العماره.
- قولت بعصبيه:- مش هسكت غير لما أخد حقي وأعرفه مين هي سدرة.
- قعدتني جمبها واتكلمت بهدوء:- سدرة الولد باين عليه إنه مش سهل، فـ احنا نفكنا منه، وإن كان على حقك فحقك عليا انا، بس بلاش، لحسن يأذيكي.
- هديت شوية واتكلمت:- طب في خطة شيطانية كده كنت عايزة أنفذها.
- بصتلي بـ إنتباه:- خطة وشيطانية؟! احكيلي هتعملي أي.
- مسكت ايدها ووقفت:- تعالي معايا كده.
اخدت كوباية فيها صابون.
وقفت قدام باب شقته وكبيته.
