دبدوب تالين بقلم فهد حسن

قولت في نفسي ان ده خيال أطفال مش اكتر ، وقولت لها اني هجبلها اللي هي طلبته ، وبعدها الأمور مشيت عادية وجبتلها اللي هي طلبته ومحصلش أي حاجة غريبة لحد من 3 ايام بالظبط ، كنت برضو في المطبخ وسمعتها المرة دي بتكلم حد وفي حوار ما بينهم ، في حد بيرد عليها لكن صوتها بس اللي مسموع ، حاولت انصت جا .مد عشان اسمع اكتر ، وكانت بتقول لحد :

يعني جدو وتيتة دول اشر .ار ووحشي .ن ؟ هما السبب انك تمو .ت ..

ساعتها لا اراديا جريت على بره ولقيتها قاعدة في نفس قاعدتها بتاعت كل مرة الدبدوب جمبها وأدوات الرسم ، ولمحت طفل قاعد جمبها وفجأة اختفى !!..

حسيت ان جسمي قش .عر وخوفت والدموع ملت عينيا ، احساس غريب اول مرة احس بيه ، وقالتلي :

ماما ارجعى المطبخ لو سمحتي ، يونس مشي لما جيتي هو بيحب يقعد معايا لوحدنا ..

ولما سألتها تاني مين هو يونس قالت لي نفس اللي قالتهولك ، ان ده صديقها اللي بيخرج من الدبدوب ...

عديت الموقف واخدت الدبدوب من غير ما هي تعرف وخبيته في الدولاب عشان لما تدور عليه متلقههوش ولما سألتني عنه قولتلها ان يونس زهق ومشي ولقى صديقة تانية عشان تنسى الموضوع ، والموقف عدى وانا انشغلت في فرح اخويا ونسيت اقولك ...

مكنتش عارف ممكن اتصرف ازاي ولا اعمل ايه ؟ خو.في على البنت اكبر من أي خو.ف تاني ، حطيت الدبدوب ده في الدولاب وقفلت عليه كويس وقولت الصبح هعرف في ايه بالتفصيل منها ...

مي نامت وانا فضلت قاعد على السرير سرحان وبفكر في الموقف الغريب اللي بيحصل ده ، لكن مع الوقت حسيت ان النوم طاغي وبيغلبني وبدأت اقاومه ، غمضت عيني لثواني وفتحتها على صوت طفل بيبكي جاي من الدولاب وبيقول :

انا مش شرير ، متحبسنيش ..

انتفضت من على السرير والنوم راح من عيني وجريت على الدولاب فتحته وملقتش الدبدوب !!!!...

فجأة ظهر صوت طفل بيضحك وبيجري جاي من الصالة ولمحته عدى من قدامي !!!..