رواية جحيم أيوب كاملة بقلم كوكي سامح

جهاد فى نفسها ( هي مين دي اللى هو عاوز يموتها وليه؟، انا مش فاهمه حاجه)
أيوب " حط ايده ع وشه وبيعيط"
( انا تعبان، تعبان اوى ي أمي)

الام خرجت من الاوضه ومشيت ناحيه الاوضه اللي فيها جهاد " بتبص شمال ويمين وقفلت عليها بالمفتاح وراحت تنام مع البنات"
في القاهر ( منزل مسعد البلطجي)
الام داخله تنام وقبل ما تتدخل اوضتها دخلت
اوضه جهاد وهي بتعيط" فتحت الباب"
ضحي بخضه ( مين.. خالتي.. تعالي ي خالتى)
سناء قعدت ع الكرسي وبتوجهه الكلام لأختها
( جهاد وحشتني وفي نفس الوقت خايفه عليها اوى)
الأخت ( متخافيش بنتك اتجوزت جوازه مفيش بنت تحلم بيها، اتجوزت من راجل مفيش منه)
سناء
( انا عارفه ان الجوازه كويسه بس البنت لسه صغيره ومتعرفش يعني اي جواز ولا مسؤليه، دى حته عيله لسه فى ثانوي، ده غير انها قاعده فى بلد غريبه وبعيده عننا)
قاطعت كلامها اختها
( بس مع جوزها، متخافيش، ياما فى بنات فى سنها اتجوزوا وخلفوا وبقوا ستات بيوت وما شاء الله عليهم، بس ادعيلها انتي)
ضحي فى نفسها ( واللي زى بنتك دي يتخاف عليها، دي انصح مني واللي يأكد ده انها وقعت اللي اسمه أيوب وجابته ع جذور رقبته واهو اتجوزها وتلاقيها هتعيش معاه فى هنا وانا هفضل قاعده كدة زى ما انا بلا نيله)
مامت جهاد ( بدعيلها والله وبدعي ع مسعد اللي منه لله كله منه، بعد بنتي عني، حسبى الله ونعم الوكيل فيه المفتري الظالم)
الأخت
( ي حبيبتى مش يمكن البنت ترتاح مع جوزها، عموما بلاش تفكرى كتير ومن وقت والتاني ابقى اتصلي بيها واطمنى عليها)
مامت جهاد
( اه فكرتيني، انا كنت جايه اقولكم تجهزوا نفسكم بكره الصبح بدري علشان نلحق نروح نزور جهاد ونصبح عليها وكمان علشان اديها التليفون بتاعها أصلها نسيته هنا)
ضحي
( بجد ي خالتي)
سناء
( ايوه ي بنتي هنروح نزور بنت خالتك، عقبالك)
ضحي
( انا مش عايزه اتجوز اصلا)
الام " زغدتها فى جمبها"
( ي بت متقاطعيش قولي امين)
ضحي " بتجز ع أسنانها"
( امين)
وفي نفسها "بخبث"
( كويس اننا هنروح نزورك ي جهاد، اهو اشوفك واعمل معاكي الواجب ي بنت خالتي)
سناء قامت من مكانها وفتحت دولاب جهاد
وبذهول وصدم#مه
( اي ده هي فين هدوم جهاد، راحت فين)
ضحي بغيظ
( الهانم بنتك، وبتهتهه قصدي احم، جهاد ي خالتى، خدت كل الهدوم، حتي اللى كانت مشترياهم لما قبضت المرتب ولسه بورقتهم وملبستهمش وادتهم لصاحبتها نور ومهانش عليها تديني فستان واحد حتى افتكرها بيه)
سناء ( مامت جهاد)
( معقول، وانتى مطلبتيش فستان منها ليه)
الأخت " غمزت لضحى"
( تلاقيها اتكسفت)
سناء
( لية وهي غريبه دي بنت خالتها يعني اختها)
" وبصت لضحي وقربت منها وطبطبت عليها"
( اوعي تزعلي من اختك، دي جهاد قلبها ابيض وتلاقيها متقصدش، هي ممكن بس علشان نور كانت بتنزل معاها كتير ووقفت جمبها في شراء حاجتها، بس عموما لما نروح بكره ان شاء الله
انا هاخد من عندها احسن فستان وادهولك ي حبيبتى)
__وخرجت الام من الاوضه بعد ما اتفقت انها هتاخدهم معاها عند جهاد فى الصباحيه
ودخلت اوضتها علشان تنام
كانت بتحاول تنام طول الوقت انما كانت قلقانه
تنام شويه وتصحى تعيط " ايدها ع خدها بحزن"